मुंबई : आपल्या गुंतवणूकीवर निश्चित आणि आकर्षक परतावा मिळण्यासाठी अनेक गुंतवणूकदार पाेस्ट ऑफिसच्या याेजनांमध्ये गुंतवणूकीला प्राधान्य देतात. पाेस्ट ऑफिस मंथली इन्कम स्कीम (POMIS) हा दर महिन्याला पैसे कमवू इच्छिणाऱ्यांसाठी गुंतवणुकीचा सर्वोत्तम पर्याय आहे. ही सरकारी योजना पूर्णपणे सुरक्षित असून त्यावर 7.4 टक्के वार्षिक व्याज मिळते. या योजनेत एका खात्यातून जास्तीत जास्त 9 लाख रुपये आणि संयुक्त खात्यातून 15 लाख रुपयांपर्यंतची गुंतवणूक करता येते. ताज्या बातम्यांसाठी आमचा व्हाट्सअप ग्रुप जॉईन करा व चॅनलला फॉलो करा
https://chat.whatsapp.com/CpAIGQtMUxgHIkphDc5ULj
फॉलो करा व नवनवीन बातम्या मिळवा
https://whatsapp.com/channel/0029Vb9Qt92Gk1FpQ0gsYf1M
खाते कोण उघडू शकेल?
18 वर्षे किंवा त्याहून अधिक वयाचे प्रौढ.
- संयुक्त खाते (3 प्रौढांपर्यंत).
- अल्पवयीन व्यक्तीच्या नावावर पालक.
- अल्पवयीन व्यक्ती 10 वर्षांची झाली असेल तर तो स्वतःच्या नावावर खाते उघडू शकतो.
गुंतवणूकीचे नियम
- किमान 1000 रुपयांमध्ये खाते उघडता येते.
- एका खात्यात जास्तीत जास्त 9 लाख रुपये आणि संयुक्त खात्यात 15 लाख रुपये गुंतवले जाऊ शकतात.
- संयुक्त खात्यातील प्रत्येक खातेदाराचा हिस्सा समान असेल.
व्याज कसे मिळवायचे?
- या योजनेत 7.4 टक्के वार्षिक व्याजदर दिला जातो.
- प्रत्येक महिन्याचे व्याज थेट ग्राहकांच्या खात्यात जमा केले जाते.
- ग्राहकाने व्याजाची रक्कम काढली नाही तर ती पोस्ट ऑफिसच्या बचत खात्यात जोडली जाते आणि त्यावर व्याजही मिळते.
- योजनेचा परिपक्वता कालावधी 5 वर्षांचा आहे, त्यानंतर तो नवीन व्याजदरासह वाढविला जाऊ शकतो.
मासिक उत्पन्नाचे उदाहरण
संयुक्त खाते
गुंतवणूक: 15 लाख रुपये
वार्षिक व्याज: 1,11,000 रुपये
मासिक उत्पन्न: 9250 रुपये.
एकल खाते
गुंतवणूक: 9 लाख रुपये.
वार्षिक व्याज: 66,600 रुपये
मासिक उत्पन्न: 5550 रुपये
योजनेचे फायदे
- ही योजना बँक एफडीपेक्षा जास्त परतावा देते.
- 5 वर्षांनंतर ते नवीन व्याजदराने वाढवता येते.
- गुंतवणूकदार योजना सुरू ठेवू इच्छित नसल्यास, 5 वर्षानंतर संपूर्ण ठेव रक्कम परत केली जाते.
मुदतपूर्व खाते बंद करण्याचे नियम
- एक वर्षापूर्वी खाते बंद करता येत नाही.
- 1 ते 3 वर्षांच्या दरम्यान खाते बंद केल्यावर 2 टक्के रक्कम कापली जाईल.
- 3 ते 5 वर्षांच्या दरम्यान खाते बंद केल्यावर 1 टक्के रक्कम कापली जाईल.
